Aarhskuvle- Förskola

Aarhskuvledarjome maanide akten jaepien båeries raejeste snjaltjen raajan jaepie gosse maana govhte jaepieh illedh.

Sjeltien sjeltesne göökte aarhskuvlh, Renen jïh Villan mej golme jïh göökte goevtesh. Gaajhki goevtesi 18 sijjieh jïh 3,00 dïenesjh barkijidie. Fredrikesne aarhskuvle Snödroppen. Tjïelten aarhskuvlh ræhpas 06:30 raejeste 18:00 raajan.

Aarhskuvle galka maanaj evtiedimmiem jïh lïeremem skreejredh jïh jearsoes hoksem faaledh.   Darjome aalka elliesvoete-vuajnojste maanam jïh maanan daerpiesvoeth vuejnedh jïh hammode guktie hokse, evtiedimmie jïh lïereme aktanieh.

Aarhskuvle galka jearsoes, luste jïh lïeremeræjhkoes sijjie maanide årrodh. Darjome skuvlelaaken jïh aarhskuvlen learoesoejkesjen mietie. Fïerhten aarhskuvlen lea aaj jïjtje barkoesoejkesje.

Njoelkedassh jïh rutijnh

Aarhskuvledarjome barkohts eejhtegi maanide

Aarhskuvlesijjiem åådtje utnedh 15 tæjmoeh/våhkoen Göökte veeljemh gååvnesieh, 5 biejjieh/våhkoen gaskem ts 08:00-11:00 jallh 3 biejjieh/våhkoen, dæjsta-duarsta gaskem ts 08:00-13:00 jallh 08:30-13:30.

Gosse barkohts edtja dam Barn- jïh utbildningsförvaltningens kontovrese bïeljelidh. Gosse barka åådtje sijjiem nuhtjedh dan jïjnjh goh barkeminie, lissine tïjje veedtjeme jïh buekteme jïh feelemetïjje barkosne mïnnedh.

Aarhskuvledarjome eejhtege-eejehts maanide

Aarhskuvlesijjiem åådtje utnedh 15 tæjmoeh/våhkoen Göökte veeljemh gååvnesieh, 5 biejjieh/våhkoen gaskem ts 08:00-11:00 jallh 3 biejjieh/våhkoen, dæjsta-duarsta gaskem ts 08:00-13:00 jallh 08:30-13:30.

Sijjiem loetedh

Sijjiem loetedh edtjh tjaaleldh darjodh minngemes göökte askh åvteli maana/maanah edtja orrijidh.

Maanah gïeh sjïere viehkiem daarpesjieh

Aarhskuvledarjome edtja fïerhten maanan daerpiesvoetem utnedh våaroemisnie. Maanah gïeh psykisken, fysisken jallh mubpiej sjïeki gaavhtan daarpesjieh sjïere viehkiem dej evtiedimmesne edtja dåarjoem åadtjodh dej sjïere daerpiesvoeti mietie.

Skuvlegåhtjome

Tjïelte sæjhta reaktam utnedh skuvlegåhtjomem krïevedh, maanan daerpiesvoeti mietie, voestes skuvlegåhtjoemisnie tjïelten maanahoksesne.   Skuvlegåhtjome namhtah.

Årrometïjje

Jis årrometïjje jorkese edtja orre soejkesjem goevtesasse vedtedh gusnie dov maana lea. Soejkesjejorkesimmieh edtja bïeljelidh unnemes göökte våhkoej åvtelen.

Beapmoevïhtesjimmie - beapmoeh jorkese

Guktie dov maana edtja jeatjah beapmoeh åadtjodh allergijen, religijöösen jallh etihken sjïeki gaavhtan mijjieh beapmoevïhtesjimmiem daarpesjibie. Vïhtesjimmie beapmoeallergijen bïjre mijjen dietiste tjaala jïh dan mænngan daam goevtesasse vedtedh gusnie maana tjaalasåvva. Mijjen dietiste maahtah ringkedh 070-237 85 53.

Eejhtegi eejehtimmie

Gosse eejhtegh eejehte, eejehtimmie, komp-eejehtimmie j.j., ij maana edtjh aarhskuvlesne/eejehtshïejmesne årrodh, ajve dam tïjjem mij maana lea sïejhme aarhskuvlesne tjaalasovveme. Ij naemhtie jis sjïere veajkoej:

Vuelelen 10 biejjieh jaepien: ohtseme jïh jååhkesjimmie goevtesebarkijistie

Bijjelen 10 biejjieh jaepien; ohtseme jïh jååhkesjimmie aarhskuvleåejveste/rektovreste.

Sïejhme aarhskuvle

Sïejhme aarhskuvle tjaktjetermijneste jaepie gosse maana 3 jaepien illie jïh lea 15 tæjmoeh/våhkoen jallh unnemes 525 tæjmoeh/jaepien. Darjome dåerede maadthsuvlen lohkemetïjjh mij sæjhta jiehtedh maanah eejehtimmiem utnieh seamma biejjieh goh maadthskuvle. Meatan årrodh sïejhme aarhskuvle maanide 3-5 jaepieh namhtah.

Aajkoe

Sïejhme aarhskuvlen aajkoe lea gaajhkh maanah 3-5 jaepien båeries edtjieh seamma nuepiem åadtjodh meatan årrodh aarhskuvlen pedagogeles darjoemisnie jïh dåehkie-ektievoetesne seamma jis fuelhkie maanahoksem daarpesje jallh ij. Staate sæjhta dejnie vuekine vuesehte aarhskuvle lea maanaj gaavhtan jïh ij leah ajve jis eejhtegh maanahoksem daarpesjidh.

Skuvleskovhth

Ij tjïelte faala skuvleskovhtem maanide sïejhme aarhskuvlesne.

 

Translate the website with Google translate.